A fora de Arrastu

A fora de Arrastu

A fora de Arrastu

Arroka!

Is A FORA DE ARRASTU nascint’ in s’istadi de su duamilletresi a-fatu de s’accabada dei sus SPOILTS – de innui beninti Bebbu (ghitarra) e Craudiu (bassu) – e de-is ANTIFICTION – Crìstian (boxi) e Brunu (ghitarra). Ai kustus cuatru s’aciungidi Davidedhu (bateria). Sa bidea de s’inkarreru est-etia cussa de fay atobiai is sonusu de sa musika punk hardcore e rock’n’roll kun fuedhusu de critica sotziali e cuscientzia sarda de liberatzioni cantaus in limba. Mankai is prima movidasa atru nò fiant ke cantzonis de Clash, Blitz, Misfits, J. Thunders. Kustu sé feti srebiu pro s’a-prontai a-sa konoscentzia de donniunu de nosu.
A’FORA DE ARRASTU est unu mod’e nay de sa zona nosta (Campidanu) ki ollid’indikai kandu si bessidi de un ordini de sighì. Kustu modu de essi pentzaus ki siada su modu nostu de intendi su sonu, ma puru su bivvi e su pentzai de onniunu de nosu. Pentzai e fay kentz’e si ponni nisciuna lakara ki nò cussa ke a nos’a totu paridi bona.
In s’austu de su 2004 – kandu in s’intremisi Crìstian scioberada de lassai is AFDA – arregistrausu su primu traballu “ISTORIAS”, kun noy cantzonis cantadas totus in sardu-campidanesu. Su discu d’a-rregistrausu in tres oras in s’ istudiu “Foxi” de Giuanni Mancosu. E de sa die eu’ sighiu kun d’unu de mancu e a cantai ‘n tresi.
In su 2005 bessidi “AìCCI TI ONINTI SU PUNK!” (arregistrau in Assemini de Fabiu Atzeni), ei esti finzas’e s’annu de is primas bessidasa forasa de Sardennia a sonai (Viterbo, Fasano, Altamura).
In su 2006 atrus cunzertus a travessu in Sardennia e torra forasa (Roma, Bologna).
Funti puru is annus de sa “Festa de s’autoproduzioni” in Serramanna e de su “a- mes’a pari” (“split”) kun is amigus sicilianusu FECCIA TRICOLORE de Palermo (2007), de atrus cuntzertusu e initziativasa, a-intru e in forasa (Pinerolo, Pannone, Genova, Faenza, Rimini, Taranto, Molfetta, Jesi, Milano)…
In su 2009 arregistrausu cantzoni nobasa e kentza una decisioni e kentza unu poita, si frimausu e si pasiausu po’ dus annus…
Torrausu in su 2011 kun d’unu cunzertu a Santu Sparau impari a is amigusu Ke’Ke’M e Brokendolls e kun d’unu discu nou de approntai e giai akabau de arregistrai gratzias a Federico Cocco e Gigi Keller..
Ki tottu anda beni, is primus de mayu de kust’annu besseusu kun ATZITZA SU FOGU, 7 cantzoni nobasa prus is primu dus discusu ISTORIAS e AìCCI…